Abesouro

DESCRICIÓN:

Trátase dun dos insectos máis comúns en todo o planeta. É moi parecido á abella pero cun tamaño máis grande. Ó igual que esta, ten seis patas e un par de ás indispensables nos seus desprazamentos.

O seu corpo está cuberto de pelos laranxas e amarelos, ainda que a súa cor pode variar polo polen que transporta cara a colmea.

HÁBITAT:

É moi común en Galicia, sobre todo en pastos e lugares floridos.

ALIMENTACIÓN:

Aliméntase do néctar e do polen das flores, e gárdano en pequenas ánforas na colonia.

COSTUMES:

Viven en colonias de moitos abesouros, que varían ó longo do ano. A raíña despois de pasar o inverno protexida en nun estado de inactividade total, "esperta" na primavera e ocupa algún oco como pequenos tobos de roedores. Nalgúns casos poden chegar a botar ós ocupantes para establecerse. 

A raíña irá pondo os ovos dos membros da colmea ó longo da primavera e do verán, chegando a máximos de 400 individuos.

Producirá membros con diferentes funcións como obreiros e soldados así como novas raiñas. Este proceso prodúcese ó final do inverno, á vez que tamén eclosionan os ovos de abellóns macho.

Unha vez se achega o inverno, as colonias van morrendo e as raíñas (novas e vellas) buscarán un lugar onde pasar o frío da estación.

Dicir que o seu rango de actuación pode superar os 10 kilómetros con respecto á súa colonia.

USOS HABITUAIS:

Son usados como forma de polinización nos invernadoiros, sobre todo para os tomates.

OUTROS DETALLES:

Nalgún lugares de Galicia o abesouro está relacionado co "máis alá". A alma dun finado podía vir en forma de abellón a visitar a casa e os parentes.