Son da Vella usa cookies.
Para o correcto funcionamento da páxina, Son da Vella utiliza cookies. Pode ver as condicións de uso da páxina facendo click aquí: CONDICIÓNS DE USO (Aviso legal)
Se continúa navegando enténdese que as acepta. Pode facer desaparecer esta mensaxe confirmando no seguinte botón:
Acceder - Rexistrarse
AUDIOVISUAIS DE SON DA VELLA
Concentración masiva de eirugas Aglais Io sobre campo de Urtica dioica
O vídeo mostra unha gran proliferación de eirugas de Aglais io (Paxara) sobre un campo de Urtica dioica (estrugas). Pódese observar un gran número de eirugas, así como a seda protectora que cobre as plantas, xerada como protección.
...Movemento da sambesuga
Neste vídeo podemos observar unha sambesuga recorrendo unha pedra nunha praia fluvial do río Lérez. A grabación produciuse despois de que unha persoa, que gozaba do lugar, retirara a sambesuga do seu pé, onde chuchaba o seu sangue, cunha navalla e con moito coidado. A sambesuga foi devolta ao río posteriormente sen ningún dano.
...Vista da entrada dun formigueiro de Messor
Adéntrate no emocionante universo das formigas do xénero Messor con este vídeo fascinante. Durante aproximadamente un minuto, terás a oportunidade de observar a actividade fervente ao redor da entrada do formigueiro. As guerreiras manteñen unha vixilancia constante, mentres que as obreiras traballan arduamente, entrando con alimentos e saíndo con residuos. Trátase dunha coreografía perfectamente orquestrada de traballo en equipo e de cooperación onde cada membro xoga un papel crucial para o benestar do formigueiro.
...Moucho (Athene noctua) buscando presas
Un vídeo do Moucho (Athene noctua) nun pousadoiro mentres busca novas presas.
...Abellas ( Apis mellifera ) acosadas por avespas asiásticas ( Vespa velutina )
Neste vídeo, capturamos o momento no que unha colmea de abellas (Apis mellifera) se ve ameazada polo ataque das avespas asiáticas (Vespa velutina).
As abellas atópanse nunhas circunstancias excepcionais, probablemente debido a algún problema co seu fogar, o que levou á raíña a abandonar a colmea. Neste proceso, percorreron diferentes lugares ata atopar un emprazamento temporal adecuado para toda a comunidade. Este momento máis vulnerable da colmea é aproveitado polas velutinas para capturar as abellas, que serán usadas como alimento principalmente para as larvas das futuras avespas. A súa técnica de caza consiste en permanecer nos arredores capturando as abellas que saen ou que chegan, evitando...
