Dentada da alcea
Nome científico:
Carcharodus alceae Esper, 1780
NOME ESPAÑOL:
Piquitos de las malvas
Tipo:
Insectos
HÁBITATS:
Pastos
Brañas
Infértiles
CORES:
Marrón, negro, branco.
NÚMERO DE PATAS:
6
NOMES NOUTROS IDIOMAS:
Inglés: Mallow Skipper
DESCRICIÓN:
- Anverso: cor de fondo escura agrisada acastañada de diferentes tons sobre os que se deixan ver unhas moi pequenas manchas brancas no par dianteiro.
- Reverso: a cor de fondo é marrón clara salpicada por manchas abrancazadas. A zona marxinal ten aspecto dentado con fimbrias axadrezadas. As mazas das antenas teñen forma de gancho. Presenta certo grao de dimorfismo estacional, que se pon de manifesto na coloración, máis escura e homoxénea nos exemplares primaverais e máis clara e contrastada nos da xeración estival.
- Dimorfismo sexual: pouco patente, como na grande maioría das especies, os machos son máis pequenos que as femias.
HÁBITAT:
Non é unha especie moi esixente respecto ao hábitat. Considerada como ruderal, aparece en lugares e ambientes moi diversos, como beiras de camiños e sendeiros, cunetas, campos de cultivo abandonados ou mesmo zonas urbanas.
Entre as súas plantas nutricias están as malvas.
DISTRIBUCIÓN:
Trátase dunha especie de distribución paleártica, abrangue desde o norte de África, pasando polos países do centro e sur de Europa, para chegar mesmo ata o extremo norte da China.
COSTUMES
As femias depositan os ovos nas follas das plantas nutricias de xeito illado.
As eirugas constrúen refuxios nelas para ocultarse dos seus predadores empregando fíos de seda. Pasan o inverno en fase de eiruga dentro do refuxio e mesmo chegarán a formar crisálide dentro del. Os imagos pousan tanto coas ás abertas como pechadas.
REFERENCIADA NOS SEGUINTES LUGARES:
NON HAI NINGUNHA OBSERVACIÓN
REFERENCIADA NAS SEGUINTES RUTAS:
NON HAI NINGUNHA OBSERVACIÓN
XEOPOSICIONAMENTO DA GALERÍA: