Son da Vella usa cookies.
Para o correcto funcionamento da páxina, Son da Vella utiliza cookies. Pode ver as condicións de uso da páxina facendo click aquí: CONDICIÓNS DE USO (Aviso legal)
Se continúa navegando enténdese que as acepta. Pode facer desaparecer esta mensaxe confirmando no seguinte botón:
Acceder - Rexistrarse
DESCRICIÓN:
É unha especie moi variable na súa morfoloxía, coloración e fisioloxía. Ten un corpo ovalado de cor gris con marcas marróns nos costados e unha gran mancha escura na rexión dorsal con bordos ondulados e con reberetes brancos. Os machos teñen un dente afiado que apunta cara adiante baixo o primeiro segmento dos quelíceros. A súa lonxitude corporal pode variar entre 4 e 6 mm nos machos e entre 4 e 8,5 mm nas femias. As patas son delgadas e longas, de cor variable que vai de castaño amarelado a castaño escuro.
HÁBITAT:
Está presente en tódolos hábitats desde a costa ata cotas elevadas de montaña, incluíndo dunas costeiras, prados, breixeiras, bosques de todo tipo e áreas urbanas. Vive en tódolos estratos da vexetación, desde o solo ata árbores, troncos, rochas e paredes.
DISTRIBUCIÓN:
Ten unha distribución holártica, que abarca as zonas temperadas e árticas de Europa, Asia e Norteamérica. É frecuente en varios países europeos. Na Península Ibérica, atópase principalmente nas cotas elevadas dos Pirineos e na Cordilleira Cantábrica, ata os 3.000 metros de altitude.
ALIMENTACIÓN:
A dieta é variada. Inclúe numerosos invertebrados como outros opilións, miriápodos, cochinillas, lombrigas de terra e caracois. Non consome materia vexetal.
COSTUMES:
Está activo principalmente durante as horas da noite.
REPRODUCIÓN:
Os ovos eclosionan na primavera e a madurez sexual déixase notar durante o verán e outono. A lonxitude da estación de reprodución pode variar en función da localización, da altitude ou do biótopo.
