Son da Vella usa cookies.
Para o correcto funcionamento da páxina, Son da Vella utiliza cookies. Pode ver as condicións de uso da páxina facendo click aquí: CONDICIÓNS DE USO (Aviso legal)
Se continúa navegando enténdese que as acepta. Pode facer desaparecer esta mensaxe confirmando no seguinte botón:
Acceder - Rexistrarse
DESCRICIÓN:
É unha avespa de cor negra coa maior parte das patas de cor laranxa, de ata 15 mm de lonxitude. Posúe unhas antenas longas e unhas patas traseiras máis grandes que as demais.
A femia desta especie ten un ovopositor recto e groso que nos permite diferenciala de especies similares.
HÁBITAT:
É bastante común en zonas de vexetación abundante.
DISTRIBUCIÓN:
Moi común en toda Galicia. Pódese atopar na maior parte de Europa, Asia e norte de África.
ALIMENTACIÓN:
As larvas aliméntanse do corpo do seu hóspede. Os adultos, principalmente de flores.
COSTUMES
As diferentes especies de Pimpla son endoparasitoides (as larvas desenvólvense dentro do corpo do hóspede) e no caso da rufipes é habitual que poña os ovos (un por individuo) en especies de lepidópteros como Pieris brassicae, Lymantria dispar ou Lacanobia oleracea.
REPRODUCIÓN:
Chegado o momento de poñer os ovos a avespa negra buscará unha eiruga dunha das especies mencionadas e inoculará o seu veleno. Este é unha mestura de substancias citotóxicas, paralizantes e antibacterianas. Con el evita o desenvolvemento da eiruga e provocará a súa paralización ata que morra consumida pola larva.
