Sapoconcho de orellas amarelas, de orellas vermellas ou americano.

O sapoconcho da Florida, tamén chamado sapoconcho americano (Trachemys scripta) é unha especie de tartaruga acuática (sapoconcho) da familia Emydidae.

Vive en lameiros, brañas, encoros e outras augas doces. Aliméntase de diversos animais e plantas. É orixinaria das zonas tropicais e subtropicais das Américas, mais actualmente é coñecida como mascota no oriente de Asia, en Europa e outros lugares do mundo onde foi introducida, especialmente a subespecie da Florida Trachemys scripta elegans. Prohibiuse a introdución desta subespecie en Europa por mor a que se crearon poboacións en moitos lugares do continente pola ceiba incontrolada de exemplares que se adquiriran coma mascotas, e que provocaron danos nos ecosistemas locais.

Cada subespecie ten unha coloración diferente na coiraza e a testa.