Hipérico de folla de linaria

DESCRICIÓN:

Pequena especie que podemos atopar nas catro provincias galegas en lugares secos como montes, pastos, cunetas, rochedos ... Podería confundirse con Hypericum humifusum L., do que se diferencia polas follas lineares máis estreitas e longas e pola súa maior talla (30-80cm).

Hypericum: do grego ὑπέρ hypér (arriba) e de εἰκων eikon (imaxe, pintura, bordado): se cadra pola presenza de glándulas negras semellantes a un bordado presente nas flores de moitas especies deste xénero.

Linariifolium: epíteto que fai referencia ao parecido das súas follas con algunha especie do xénero Linaria.