DESCRICIÓN:
Especie en perigo debido á presión humana sobre o seu hábitat. Endémica do noroeste peninsular cunhas poucas poboacións
na provincia da Coruña e no norte de Pontevedra.
Medra en pastos litorais de dunas semimóbiles.
Acada ata 13 cm coas caules erectas ou decumbentes.
Ten un aspecto glauco (de cor verde claro a branco azulado).
Follas espatuladas coa marxe ciliada, de ata 3 x 1 cm.
As flores teñen o cálice dividido ata a base en 5 lóbulos e a corola tamén con 5 lóbulos branco azulados.
En moitas guías atópase co anterior nome aceptado Omphalodes littoralis Lehm.
Etimoloxía:
-Iberodes: da fusión de Ibericus (Ibérico) e do xénero Omphalodes no que se inseriron anteriormente estas plantas, é dicir, plantas relacionadas con ese xénero e orixinarias da Península Ibérica. Omphalodes deriva do grego omphalos que significa "embigo" e de eidos que significa "aparencia", en referencia á forma dos seus froitos.
- Littoralis: de litus lido (praia, litoral, de praias), polo seu medio ambiente de crecemento.
REFERENCIADA NOS SEGUINTES LUGARES:
NON HAI NINGUNHA OBSERVACIÓN
REFERENCIADA NAS SEGUINTES RUTAS:
NON HAI NINGUNHA OBSERVACIÓN
XEOPOSICIONAMENTO DA GALERÍA: