Poexo

DESCRICIÓN:

Especie aromática que pode alcanzar 40cm de alto, con pequenas follas e flores que aparecen reunidas en verticilastros separados. Pódese atopar en toda Galicia en prados húmidos, bordes viarios de bosques, preto de ríos e pozas, e ten preferencia polos chans acedos.

Mentha: do grego μένθη mínthē e do latín Mintha, relacionado coa ninfa Minta ou Mente, nada no río Cocito e amante de Hades, á que Perséfone esposa deste deus e celosa dese amorío converteu en planta.

Pulegium: epíteto derivado do latín pulex (pulga) débese á antiga costume de queimar poexo nas casas para repelelas.