DESCRICIÓN:
Esta especie pode verse en toda Galicia e conta con varias subespecies e variedades.
Esta, coa base engrosada da que saen raíces fibrosas non engrosadas e que medra no litoral, é a Ranunculus bulbosus subsp.bulbosus var.maritimus.
As súas raíces son tuberosas, coa cepa a miúdo engrosada, bulbiforme, con rizomas dos que saen novas raíces fibrosas ou engrosadas e tuberosas.
As follas son semellantes a outras especies como a Ranunculus repens ou a Ranunculus serpens. Aparte da raíz engrosada pode diferenciarse delas polos sépalos: nestas mencionadas son patentes (de 90° con respeito ao eixo), mentres que na Ranunculus bulbosus serían reflexos, dirixidos cara atrás, o que se aprecia ben na cuarta foto.
Ranunculus: ranciña, diminutivo de ra, polo medio acuático dalgunhas especies deste xénero. Plinio escribe "chamamos ranúnculo á herba que os gregos chaman βάτραχος bátracos, é dicir, sapo".
Bulbosus: de bulbo, polas suas raíces engrosadas.
REFERENCIADA NOS SEGUINTES LUGARES:
NON HAI NINGUNHA OBSERVACIÓN
REFERENCIADA NAS SEGUINTES RUTAS:
NON HAI NINGUNHA OBSERVACIÓN
XEOPOSICIONAMENTO DA GALERÍA: