Matacandil

DESCRICIÓN:

Cogomelo fácil de identificar, xa que a forma do sombreiro é bastante única da especie. Este é elíptico, en forma de ovo alongado ó principio, que logo se volve acampanulado pouco a pouco, e despois chega a licuarse rapidamente nun par de días. O seu crecemento é moi rápido e pode chegar á madurez no mesmo día que sae.

As súas láminas apretadas son primeiro brancas, vanse volvendo rosadas para chegar a ser negras na vellez.

O pé, separado do sombreiro e oco por dentro, engrosa na base e posúe un anel movible branco que igual có pé vólvese pardo coa madurez.

A carne, de cheiro maino, é branca e torna negra coa madurez, no proceso de licuado que sofre todo o cogomelo.

TIPOS DE HÁBITAT:

HABITAT:

En zonas nitrófilas (ricas en nitróxeno) como xardíns, cunetas, bordes dos camiños, pradeiras, vertedoiros.

DETALLES IDENTIFICATIVOS:

A forma do sombreiro e a pelusa que o recobre. Debemos fixarnos no proceso de licuación dos exemplares vellos.

DISTRIBUCIÓN:

Aparece por toda Galicia.

CONFUSIÓNS:

Coprinus atramentarius, máis escuro e en acios máis numerosos, pódese confundir coa barbuda, que aínda que é comestible de pouca calidade, pode ser tóxico se a inxesta se acompaña (antes, durante ou despois) de bebidas alcólicas.