Turba

DESCRICIÓN:

Trátase dunha rocha formada en máis do 50% por carbono. É moi branda e pódese desfacer coa man.

Na turba aparecen moitos restos de planta que poden ser visibles, sobre todo as raíces grandes. 

Cando perde a humidade rómpese de forma heteroxénea formando gretas moi características.

PROPIEDADES:

Como combustible é de rendemento baixo pero de obtención sinxela.

Tamén é un complemento no abono.

FORMACIÓN:

Fórmase a partir do depósito de vexetais en brañas, pantanos e depósitos pluviais.

O carbón utilizado na actualidade foi nalgún momento turba, xa que este é o estado inicial da formación do lignito e a hulla.

USOS HABITUAIS:

Inda se usa como carbón vexetal, para quentar caldeiras e chimeneas. 

Moi usada en abonos orgánicos, como complemento ou de base.

DISTRIBUCIÓN:

Pódese atopar por todo o territorio.