Castiro

DESCRICIÓN:

Trátase dunha árbore moi común en Galicia, xa sexa de forma espontánea xa prantada con fins produtivos.

O seu froito é a castaña, que aparece na árbore recuberta do ourizo, unha defensa natural en forma de púas que protexe o froito ata a maduración e que se abre cando as castañas están listas.

DISTRIBUCIÓN:

É moi común por toda Galicia, pero sobre todo en Lugo e Ourense.

Inda que se pensaba que o castiro non era autóctono, os últimos estudos demostran que algunhas subespecies si poden ser autóctonas.

USOS ACTUAIS:

Froito moi valorado no outono para facer os magostos. 

Ten moitas e variadas formas de comercialización e o seu uso na cociña moderna é cada vez máis recurrente.

Tamén se usa como alimentación porcina, como substituto ou complemento das landras. No caso do porco celta, raza autóctona, a castaña é esencial na súa cría.

USOS TRADICIONAIS:

A castaña é un dos froitos tradicionalmente máis consumido en Galicia. A sua facilidade de secado e conservación, así como a súa abundancia e boa propagación covertérona nun símbolo de identidade, sobre todo asociado ó outono.
É moi frecuente e tradicional a venda ambulante de castañas asadas.

OUTROS DETALLES:

As súas ramas utilízanse tradicionalmente na cestería en moitos lugares de Galicia.