Cicuta

DESCRICIÓN:

Podemos atopala en Galicia en bordos viarios, terreos incultos e beiras de auga, prefire solos húmidos.

Pode confundirse con outras umbelíferas como Oenanthe crocata L. A cicuta diferénciase polos seus froitos, polo mal cheiro das súas follas ou polas manchas púrpuras que son como salpicaduras no seu talo que se poden ver perfectamente nas fotos das ramas.

Conium: nome grego da cicuta κώνειον kṓneion (en Hipócrates), probablemente derivado de κωνέω conáo (xirar), referido á vertixe provocada pola inxestión de cicuta.

Maculatum: do latino macula (mancha), debido á presenza de manchas nos seu talos.