Nº 14

Con todos vós a décimo cuarta publicación:

Neste número adicado á FLORA e á FAUNA propoñemos unha ruta moi doada: Ruta polo Pontillón do Castro. Por estes camiños poderemos observar moitos tipos de animais e plantas que farán as delicias dos amantes da natureza.

Incorporamos novas plantas ó noso catálogo: o Botón azul, moi abundante nos campos; a Carqueixa boieira, unha beleza dos montes; o Fento Macho, un habitual dos ríos galegos; e a Lingua de Boi, a máis sinxela de observar, incluso nas cidades.

Traemos novos insectos como o Escarabello das follas e o Maláquido común, os que cunha boa observación podemos atopalos en calquera prado. 

Estreamos tamén dúas aves sedentarias do noso territorio: o Tordo común e o Estorniño negro.