CONSELLOS PARA IDENTIFICAR ROCHAS:

Son da Vella non pretende ser unha guía definitiva para a identificación de rochas, senón un punto de partida de fácil comprensión para comezar un coñecemento das rochas e da súa relación co medio no que habitan. Desde a nosa humilde posición só pretendemos facilitar con esta web a comprensión do hábitat no que vives.

As rochas pódense estudar todo ano. É un grupo moi abundante, con rochas moi variables e algunhas moi parecidas entre si.

Á hora de coñecer as rochas sempre é importante saber as variabilidades da zona na que nos movemos. Hoxe en día, debido ós estudos xeolóxicos con motivos comerciais, sabemos con bastante precisión a composición da Terra.

Para identificar as rochas fixarémonos sempre nos máis elementos posibles.

Podemos usar fotos e vídeos para recordalas pero, no caso de collelas, debemos ter sempre isto presente:

• As rochas poden ter materiais contaminantes, alérxenos ou tóxicos polo que, ante o descoñecemento ou falta de material apropiado para recollelas, só nos limitaremos a observalas e fotografalas.
• Danar o menos posible a rocha orixinal da que nos levemos un anaco, para iso empregaremos ferramentas ben afiadas e limpas e así contaminaremos o menos posible as zonas de corte.
• Ante a dúbida dos puntos anteriores sempre convén deixar a rocha intacta.

Pasamos a dar algunhas claves que usamos na web para a clasificación das rochas:

En Son da Vella clasificamos a Rochas en diferentes tipos:

Plutónicas

As rochas plutónicas ou rochas intrusivas son as que se forman a partires dun enfriamento lento, a grande profundidade e en grandes masas de magma.

Volcánicas

As rochas volcánicas, efusivas ou extrusivas son aquelas rochas ígneas que se formaron polo enfriamento da lava na superficie terrestre​ ou do magma a escasa profundidade.​

Metamórficas

As rochas metamórficas ​ son rochas formadas pola modificación doutras preexistentes no interior da Terra mediante un proceso chamado metamorfismo. A través da calor e/ou da presión, en fluídos quimicamente activos prodúcese a transformación das rochas que sofren axustes estructurais e mineralóxicos.​

Sedimentarias

Producidas ou constituídas por sedimentos.

Minerais

Corpo natural, sólido ou líquido, de composición química definida e de propiedades físicas características.

En Son da Vella clasificamos as cores nos seguintes tipos:

Á hora da clasificación por cores hai que ter en conta que a variabilidade cromática no mundo natural é case indefinida. Son tantas as cores diferentes con que nomear cada variación que non nos queda máis remedio que facer unha agrupación cromática.

- Agrupamos varias cores parecidas cun só nome:

Pouco a pouco, a medida que creza o catálogo, incorporaremos máis precisión á hora de clasificar as Rochas. Mais o obxectivo é ser un punto de partida para que calquera afeccionado ou estudoso poida coñecer o mundo máis cercano que nos rodea. Sempre recomendamos o uso doutros manuais, vídeos e calquera material que complemente as nosas investigacións.

Sorte nas vosas identificacións.